السلام عليكم طلاب الفرقة الاولي في هذة الصفحة سوف تجد كل ماتحتاجة من معلومات عن السنة الدراسية الاولي كاملة بكلية الهندسة الزراعية جامعة الازهر .
فيما يخص مواد الترم الاول والثاني ودكتور الخاص بكل مادة ونبذة مختصرة عنة وكيفية مذاكرة المادة
فيما يخص مواد الترم الاول والثاني ودكتور الخاص بكل مادة ونبذة مختصرة عنة وكيفية مذاكرة المادة
اولا مواد الكلية
مواد الترم الاول لكية الهندسة الزراعية الفرقة الاولي
- مورفولوجياوتشريح النبات (نبات)
- تقنية الورش
- الرسم الهندسي
- الرياضيات
- اسس استخدام الحاسب الالي
مواد الترم الثاني لكية الهندسة الزراعية الفرقة الاولي
- فيزياء
- تكنولوجيا الاغذية
- ميكانيكا
- مدخل الهندسة الزراعية
- مساحة
- فقه
- عقيدة
- القران الكريم
اقرأ ايضا
ثانيا -نبذة مختصرة عن المواد وكيفية مذاكرة كل مادة
مواد الترم الاول
- مادة: مورفولوجياوتشريح النبات (نبات)
هي مادة هتعرفك تشريح النبات والمكونات الاساسية لاجزاء النبات من (البذرة والجذر والساق والاوراق والي اخرة)
زي مابتاع طب بيشرح الجثة وبيعرف المكونات الاساسية للجسم(اليد الرجل الاذن العين الفم البطن والي اخرة) انت هتعرف المكونات الاساسية للنبات.
بس ياصديقي كدا اكتر مادة رخمة هي النبات بسبب الدكاترة بتاعتهم مبيحبوش اي حد من هندسة زراعية وبيحسو بالنقص من ناحيتنا (حاسين انهم اقل مننا) المعيدين كويسين جدا انما الدكاترة اللي رخمين حبتين
ازاي بقا تجيب فيها تقدير.
اولا توزيع الدرجات 40عملي و60 نظري
40 العملي عشان تجيبهم اهم حاجة الحضور في السكاشن وانك تشتري المذكرة بتاعتهم وفي خلال السنة هيدولك امتحانين صغيرين كدا دول عليهم 10 درجات
وعندك 10 شفوي و20 عملي فاينال
و60 درجة بتوع النظري هتذاكر اخر 4 امتحانات للسنين السابقة هتقفل الامتحان انشاء اللة
رابط داتا المادة من هنا اضغط على الصورة
- تقنية الورش
بقولك اي مادة عندنا من الكلية هتجيب فيها تقدير بسهولة انشاء اللة
اول حاجه كدا 40العملي هتلتزم مع دكتور ابراهيم وتذاكر معاه هتجبهم بمنتهي السهولة من احسن الدكاترة اللي بتدي لكل واحد حقة في المادة عندك 20درجات من الاسكتش والغياب وامتحانين صغيرين بتاخده علي مدار السنة و20عملي فاينال
بيوريك ادوات الورشة وانت تتعرف عليهم وامتحان العملي
رابط داتا المادة من هنا اضغط على الصورة
- الرسم الهندسي
مادة الرسم مادة مهمة جدا وبتديك الفكر الهندسي ازاي تتحول من التعامل بالسنتي للملي وتهتم بادق التفاصيل ودا هيفيدك في حياتك وفي فكرك .
بالنسبة للمادة هي عاوزة مجهود وانك تصبر علي نفسك وترسم لوح بايدك كتير جدا ولو مجتش معاك ممكن تاخد فيها درس بس احنا في الجامعة هنقول ناخد كورس .
والدرجات كالعادة 40 عملي تسليم اللوح علي مدار الترم ، وامتحان الفينال و60 نظري.
رابط داتا المادة من هنا اضغط على الصورة
- الرياضيات
بالنسبة للرياضة فدي بناخدها من كلية علوم فنركز فيها حبتين عشان دول مبيسموش علي حد، وبندرس فيها الكسور الجزيئية وشوية تفاضل علي تكامل كلنا واخدنهم في ثانوي بس بالانجليزي بقا المرة دي محتاج تحل كتير عشان الامتحان بيجي مخادع شوية
بس الدكتور بيقدر اللي فاهم عن اللي حافظ.
الدرجات 40عملي و60 نظري.
رابط داتا المادة من هنا اضغط على الصورة
- اسس استخدام الحاسب الالي
ودي فايدة السايبر انت كده مش جاهل يامعلم بفضل دكتور سايبر ..
بندرس فيها اللي انت شايفة في الصورة بالظبط ادوات الاخراج والادخل في الحاسب +برنامج EXCELL
والدرجات فيها 40 عملي و60 نظري تابع مع الدكتور هتجيب 90 من 100 بمنتهي السهولة.
رابط داتا المادة من هنا اضغط على الصورة
- ثالثا الامتحانات السابقة مع الاجابات الخاصة بالترم الاول كلية الهندسة الزراعية
رابط مذكرة الامتحانات جميع المواد مع الاجابات الخاصة بكل امتحان من هنا
كما يمكنكم متابعة تفاصيل الاقسام فى كلية الهندسة الزراعية جامعة الازهر من هنا
مواد الترم التاني
- فيزياء
بالنسبة للفزياء فبناخدها من كلية علوم وزي ماقولنا اي مادة خارج الكلية نركز فيها حبتين عشان مبيسموش علي حد
بس في المجمل المعيدين كويسين والدكاترة محترمين جدا.
و اهم حاجه تحضر السكاشن وتشتري المذكرة عشان يسندوك في درجات العملي
وتوزيع الدرجات كالاتي 40 عملي و60 نظري كالعادة
40 العملي (10 مذكرة و10حضور و اعمال سنة و20 امتحان عملي )سهل جدا تجبهم بسهولة اهم حاجه الالتزام مع المعيد
بالنسبة للمحتوي العلمي فبناخد تجارب (البندول البسيط وهوك وتجمد السائل وتعيين معامل التوتر السطحي) والتجارب دي موضحنها في صفحة واحدة في الداتا
60النظري(حل امتحانات السنين اللي فاتت هتقفل الامتحان والامتحان بيكون موزع بالتساوي علي جميع اجزاء المادة)
رابط داتا المادة من هنا اضغط على الصورة
- تكنولوجيا الاغذية
المادة بتتكلم علي اساسيات حفظ الاغذية وتصنعها في المصانع باعلي كفاءة ومن تعريفها نفهم اكتر.
تكنولوجيا الاغذية: يقصد بة تطبيق علم الاغذية في كل مايتعلق بالمادة الغذائية في رحتلها الطويلة من المزرعة الي طاولة الطعام
توزيع الدرجات 40عملي و60 نظري
بالنسبة للعملي نركز علي الجزء النظري المسائل نادرا مابيجي منها في امتحان العملي ونركز علي المخططات وقبل امتحان العملي المعيد بيدي للمندوب اسئلة مهمة بيجي منها 70% من الامتحان (10 مذكرة وحضور و10 شفوي و20 عملي فاينال)
رابط داتا المادة من هنا اضغط على الصورة
- ميكانيكا
الميكا مادة مهمة جدا للناس اللي ناوية علي قسم قوى والالات بندرس فيها العزوم ورد الفعل والمحصلة وحل المعادلات والمتجهات وكلام كلنا خدناه في ثانوي لكن بتوسع 10% بس زيادة.
مادة سهلة ومن المواد اللي بترفع التقدير المعيد بشمهندس ابراهيم كلكم عارفينة بيدي كل واحد حقة.
وتوزيع الدرجات 40 عملي و60 نظري كالعادة واهم حاجه تحل بنك الاسئلة قبل الامتحان لان90 % من الامتحان بيجي منه هو 100% بصراحه 😂 بس عشان تكون عامل حسابك لو مسائلة اتغيرت
رابط داتا المادة من هنا اضغط على الصورة
- مدخل الهندسة الزراعية
مادة المدخل هي مدخل للهندسة الزراعية بمعني بوابة هتعرفك يعني اية مهندس زراعي واية الفرق بينك وبين هندسة وبين زراعية
وهتديك نبذة عن كل قسم سواء الالات او ري او منشاءات اوتصنيع
ومحتوي دراسة المادة شوية من كل قسم من اقسام الكلية المعيد دكتور سلطان من اروق المعيدين وصريح مابيحبش اللف والدوران في المعاملة وفي الامتحان والامتحان سواء العملي او النظري بيجي بسيط جدا ومن الامتحانات اللي فاتت
وتوزيع الدرجات(20حضور واعمال سنة و20 عملي فينال و60 فاينال نظري)
رابط داتا المادة من هنا اضغط على الصورة
- المساحة
مبدائيا كدا بتتكلم عن اداوات وكيفية حساب مساحة الارض والاجهزة اللي بنستخدمها في كدا والطرق والي اخره
ومسائل حساب كميات الحفر والردم وازاي تحسب الميزانية .
اولا كدا حفر وردم وميزانية لا يخلو منهم امتحان سواء عملي ونظرى ومسائل سمبسون والكلام دا نركز علي الجزئية دي وامتحانات السنين السابقة هتقفل عملي ونظري بمنتهي السهولة والاريحية والمعيد بشمهندس احمد حسين ممكن تشوفة عصبي وشديد زيادة ولكن هو كدا زي بشمهندس ابراهيم مع فرقة اولي شديد شوية ولكن لما تتدرج في السنين في الكلية التعامل بيختلف تماما
وتوزيع الدرجات (40 عملي و60 نظري)
رابط داتا المادة من هنا اضغط على الصورة
- فقة
بيتذاكر اليومين اللي قبل الامتحان من المنهج اللي الدكتور محددة في الكتاب بتاعة
وبتحل الامتحان كامل ب100 درجة بسهولة ولازم تعمل حسابك وتاخدها قاعدة من البداية
مواد الشرعي في كل سنة لازم امتيازات فيها وفي اسواء الاحوال والدنيا تكون جت عليك جيد جدا
رابط داتا المادة من هنا اضغط على الصورة
- عقدية
زيها زي الفقة وممكن اسهل شوية لان الدكتوربتاعها في اغلب السنين مبيدخلش الكلية اساسا وبتذاكر من الملخص وحل الامتحانات اللي فاتت تمضن 100 درجه انشاء اللة
رابط داتا المادة من هنا اضغط على الصورة
- القران الكريم
علينا 5 اجزاء كل سنة. بنبداء من الاخلاص.وعلينا السنادي من الاخلاص للاحقاف
الامتحان بيكون عبارة 50 شفوي و50 تحريري
التحريري بيكون مكون من 10 اسئلة كل سؤال ب5 درجات
4 اسئلة من اوائل الصور
4 من بداية الاربع
2 من المواضع المشهورة
والشفوي سؤالين علي السريع ولو انت ضعيف في الحفظ حل كويس في التحريري هتنجح في الشفوي
نصيحة لوجة الله ياريت كل واحد بداية من السنادي لو انت مكنتش حافظ او بتحفظ قطاعي كدا للامتحانات ابداء من فترة الكلية دي لو في الاسبوع 5 صفح يعني كل يوم تلتين صفحة دا باعتبار انك مش حافظ ولا كلمة هتخلص 4 سنين الجامعة وهتكون ختمت القراءان باتقان شديد والاجر والثواب للة. تخيل معايا تكون حافظ القران الكريم كامل باتقان تكون كسبت دنيا واخرة وربنا يهدينا لما فية الصالح
قال رسول الله -عليه الصَّلاة والسّلام- فيما رواه عثمان بن عفان -رضي الله عنه- في الحديث: "خيرُكم مَن تعلَّم القرآنَ وعلَّمه"
وفيما روت السيدة عائشة -رضي الله عنها- أنَّ رسول الله -صلّى الله عليه وسلّم- قال: "الَّذي يقرأُ القرآنَ وهو ماهرٌ به مع السَّفَرةِ الكِرامِ البَررةِ، والَّذي يقرأُ القرآنَ وهو عليه شاقٌّ فله أجران"
- اخيرا مذكرة الامتحانات
مذكرة الامتحانات اهم من المذاكرة كلها بالنسبة لمتحان النظري لانك حرفيا لو متعرفش ولا كلمة في اي مادة وحليت امتحانات اخر4 سنين لاي مادة هتضمن تجيب 50 من 60 في النظري (الامتحانات حرفيا بتتكرر بالنص)
رابط داتا الامتحانات من هنا اضغط على الصورة
في النهاية صلي علي النبي وادعيلنا دعوة من قلبك لو استفد مننا اي استفادة
تمت الكتابة بواسطة:عبدالرحمن ياسر
تواصل معنا علي Linkedin من هنا
تعليقات